千賀水產 (Closed)

難得今日放平日，可以lunch去試下呢間磯燒放題，平時夜晚見佢都好多人等位，襯午市時間試下先！一坐低，佢地就放低可以比你燒嘅海鮮，我地2個人食，就放低2人份量，可以自己燒，過下癮都幾好玩！開頭諗住睇下有無咩調味料可以加落去調下味，但淨係見到有樽鹽，原來d海鮮本身已經有海水味，加小小鹽調味已經好食，根本唔需要整色整水已經好夠味！同埋每張枱有獨立抽油煙機，咁就唔會燒到成身都係油煙味啦由於係午市嘅關係，我地2個人都食左唔算好多嘢，炸物嗌左少少，壽司同刺身又嗌少少。佢嘅炸物會用炸籃裝住，燒物會用煎pan裝上，幾得意！我地試左個榴槤炸彈，一口咬落去，d榴槤蓉咇哂出黎，好中意呢粒炸彈！刺身方面，我覺得都算新鮮，特別係粒帶子，好鮮甜，忍唔住食左好多粒！我比較中意呢度嘅自助吧，我諗比較特別就係佢個甜蜜蜜糖果屋，仲可以比你帶走，其實咁大包糖，真係要帶走先食得哂架！同埋佢飲品竟然有清心棧系列，有我好中意嘅蘋果茉莉，我地2個仲飲多好多包，嘿嘿！