御前大江戶日式料理 (Closed)

上網見到呢間放題有磯燒麼海鮮食，即刻俾佢吸引左。因為平時居酒屋食磯燒海鮮其實都幾貴，而今次呢個放題都係三百零蚊，所以就嚟咗啦。星期一八點鐘去到餐廳都差唔多full晒，所以建議最好就book枱啦。一坐低店員就會為你送上一盤海鮮，入面包括有蟹蓋，兩隻蟹鉗，鮑魚，聖子同生蠔。一開始店員會幫你開爐同埋幫剪展開啲殼放上去燒，好彩有佢地，如果唔係都幾無助。食落味道都幾nice喎，鮑魚同聖子都唔韌，個蟹蓋鹹鹹地好濃郁，呢盤磯燒海鮮都幾有誠意，唔係交行貨咁簡單。除此之外，啲剌身都幾fresh，一啲都唔腥。海膽手卷正呀，海膽冇渠味，啲飯好少，唔會比啲飯打飽左。炸物方面，雞亦外脆內嫩，雞軟骨食得好過癮，仲有個榴連波食落好香呀。除左用ipad嗌野食之外，其實出面都有啲前菜，野飲，甜品同雪糕拎添。So far黎講呢餐都幾特別，因為好少放題有磯燒爐仔，而且呢度係貴精不貴多，每樣野食都新鮮即整添。