千賀水產 (Closed)

近排同太太都好鍾意去元朗行街，終於畀我哋發現咗另一間好味嘅日式放題， 我哋兩公婆見親放題都一定唔放過，晚上入去試試佢一去到門口就畀佢嘅門牌所吸引 好有日本嘅地道風味。決定入嚟試呢度嘅主要目的係因為佢可以既有日式刺身任食之外，仲有磯燒海鮮無限量供應， 而且海鮮嘅選擇到好多!第一輪送黎既海鮮包括有扇貝，蟶子及蟹蓋! 職員介紹話將隻鵪鶉蛋打落個蟹蓋到燒會更加惹味!磯燒海燒嘅特色係可以自己想食幾多就燒幾多，食唔夠皮仲可以自己無限order， 不得不讚呢度嘅海鮮都係大大件!而呢度仲可以無限任飲我最鍾意嘅啤酒Somersby, 呢隻蘋果酒出面賣得好貴,相信可以任飲算係一大賣點!刺身算係幾新鮮，擺碟都幾精美， 但厚度就有待改善， 不過好彩就冇任何雪味天婦羅炸到金黃色，唔會太多炸粉，食落鬆脆花螺算係一大驚喜， 花螺夠大粒且好入味，點左兩次!千賀焗黃金蠔，賣相精美，有濃濃芝士燒到金黃，蠔算新鮮!露筍牛肉捲，好爽口，夠晒fresh,而且燒既時間剛剛好，唔會overcooking!最後係甜品時間,甜品選擇非常多全部味道都好好味