就是偏偏喜歡你

Open Now

Now Closed

 黎到呢間花花主題既樓上cafe，即刻少女心爆發🥰成間cafe周圍都係打卡位，有靚靚花花牆🌸仲有可愛既兔仔！好得意佢一啲都唔驚人，間唔中會見到佢係地下跳過😂呢間cafe除左打卡一流之外，經營理念都好值得欣賞，係社會共融既～完全係集食物質素、環境、理念於一身既cafe。1️⃣香辣南美海蝦意粉（$168） 以番茄醬作基底，配上啲芝士碎，食落有啲辣辣地，意粉每一條都沾滿汁👍蝦幾彈牙，有幾隻，仲有啲菇。  2️⃣ 意式黑松露醬炒蛋大啡菇黑炭漢堡（素）（$148）（薯條+$22） 個漢堡視覺效果好澎湃！黑松露炒蛋好香好滑，配上多汁既大啡菇、芝士醬、生菜、番茄，好食😋另外竹炭漢堡烘得脆身，入面仲依然鬆軟😄另加左薯條，係有啲辣粉係面既🤤  3️⃣ 小熊粒粒草莓牛奶（$68） 好可愛😍成隻熊仔係杯野飲上面。飲落唔會太甜，仲有啲士多啤梨蓉係底🍓  4️⃣ 日本南瓜薯餅（素）（$58） 好脆身！入面係綿綿地既南瓜肉，仲見到啲南瓜皮🎃呢個我同朋友都大讚！