三不館車仔麵 (登發街)

Open Now

Now Closed

夜晚喺路德圍行吓睇吓有咩食就見到呢間久仰大名嘅三不館，一於入去試吓成間鋪嘅裝修都行住一種懷舊嘅港式風格，配埋盞鬼嘅「祖傳三代，現為第一代」，望住啲裝修即刻覺得啲嘢食都會好好味。唯一要講吓嘅係大家都係坐摺凳，真係冇咁好坐～叫咗兩碗麵，特別覺得滷水豬大腸好出色，入味得嚟唔會有臭味。另外個魚腐都好掛湯好正不過個橙色蝦卷就唔太推薦啦，有少少蝦味但係都係食緊一舊麵粉咁建議可以試其他。另外見到餐廳新出品嘅自家製奶茶，一樽要22蚊有少少貴，但係唔係即沖所以唔會俾冰溝淡，一於試吓佢！一飲又真係幾正，茶同奶嘅比例啱啱好，係好香濃嘅奶茶。