Kuro Japanese Cuisine (Closed)

祝妳生日快樂🎂好朋友生日，指明要食日本菜，我即刻諗起呢間餐廳，於是訂咗位同佢慶祝生日。餐廳喺商廈頂層，餐廳幽暗有情調，環境又靜。天花掛咗一盞盞顏色繽紛嘅玻璃球燈，望出去遠處就係海景，整體來講餐廳俾人嘅感覺好舒服。點左一份二人前晚餐$798，有前菜、刺身、飯、料理、天婦羅同甜品，一共六道菜，幾抵食。前菜⭐️輕燒帆立貝佐牛油果•黑魚子帶子大大粒，肉質肥厚軟腍，連埋威化底托一齊吃，層次再升一級。刺身⭐️大藍洞每種刺身兩切，分別有吞拿魚、牡丹蝦、三文魚、帆立貝、左口魚、平政魚，中間嘅醬汁係有藍莓、麵鼓等材料製成，雖然藍色汁液食起嚟冇乜味，係裝飾多啲，但成個組合好精緻好吸引！⭐️雜錦天婦羅由蕃薯、青椒、和大蝦等組合而成天婦羅。新鮮炸起好香脆，不過蔬菜本身甜度唔夠，再甜D就正。料理⭐️黑鱈魚蟹膏燒鱈魚頂層覆蓋了一層蟹膏，食起黎一啖蟹膏一啖魚肉，蟹膏本身的味道好強烈，但配搭嫩滑而清淡的鱈魚，真係好好食啊！食事⭐️黑松露炒黑豚肉石鍋飯黑豚肉好香嫩，洋蔥炒配上同黑松露，哇！一陣陣黑松露飄上黎，真係食得幾滿足。甘物⭐️手工甜品甜品係紅豆餡餅，裡面有煙煙韌韌既糯米，紅豆無算甜，口感幾特別。除了套餐，仲點了幾款壽司同刺身