麗姐廚房

Open Now

Now Closed

N 個月前睇空肚講宵夜見梁祖堯介紹呢間餐廳嘅芝蔴糕。專登外賣咗一次食，覺得好正，勁足料。近日叫咗個朋友去試食，佢返黎竟然話佢兩個大人一個細路食咗7個餸，因為好好味，連個細路都話覺得超好味。即刻走去試。星期四晚黎都竟然都好多人，到差唔多八點幾乎冇位。咕嚕肉：好癲。一咬落去個質感勁似肥豬肉，但食落佢又有一絲絲嘅質感，個汁偏稀但甜酸度剛好。雙拼餃：皮薄餡靚！皮似雲吞加餃子皮。梅菜餃感覺較齋，但勝在夠曬多餡。流沙餃係蕃茄薯仔餃，都幾有趣，但未去到想encore.金菇百合浸菜心：本人一向麻麻哋菜心，但朋友話呢度個菜心好神奇，可以炒到好似芥蘭咁爽。唔太信之下叫個浸嘅。點知真係好好味，完全唔明點解平時出面啲菜心唔係咁嘅！！連埋啲金菇百合杞子好好味，啲杞子勁甜，百合完全唔苦，金菇完全唔韌。由於最後食唔曬，呢碟嘢我第日微波爐叮黎食都係咁好味！完全唔明點做到！好神奇！台灣炒米粉：超好味。唔油，乾爽，咸度剛好。假叉燒同火腿個質素都似真肉。另外外賣咗三盒芝蔴糕。總結：絕對會返黎。下次要搵多啲人黎食，再試多啲嘢。