八幡屋日本料理 (Closed)

從來甚少食放題，亦可能我應該抱住「商品說明條例中嘅合理期望」嘅心態去試哩間嘢。老實講，由樓下派傳單到樓上所有侍應都好有禮貌。但我提提大家，你要抱有合理期望嘅心態去食嘢，由刺身、壽司、炸嘢、燒嘢、湯、飯、麵....所有嘢都係凍嘅！而最新奇嘅係....佢攞上枱時係有煙出，但食落時都係凍架！神奇......而當中最出色嘅，可以算係「韓式牛肋條」，不食落竟然係鹵水牛仔骨嚟！松葉蟹棒？！我心諗，兩舊水一位有哩d嘢食？一上枱，嘩！大佬呀！樓下街市28蚊一pack嘅蟹柳嚟嘅？！....唔緊要！香港人記得！咩叫合理期望....同時我希望大家睇完哩幾隻字之後...都要抱住合理期望先好嚟食嘢！