小神燈新派飯館 (Closed)

神燈集團嘅中菜一向都高質，今次就專程試下位於將軍澳《小神燈新派飯館》。餐廳設計十分新穎，用在香港傳統大排檔嘅設計，綠色嘅色調令人諗起綠鐵皮攤檔，估唔到食大排檔小炒都可以坐得咁舒適。奇脆脆皮豬手超大份嘅豬手，外層嘅豬皮油炸到極之香脆，豬皮底下又有一層薄薄嘅脂肪，底層係充滿咸香嘅豬肉，口感相當有層次。腿茸菜膽雞半隻雞都夠哂4個人share食，雞身肉厚又有光澤，醬汁配搭金華火腿上湯，所以比較濃稠又入味。雞肉吸收晒醬汁煮到入味，口感彈牙又熟度剛好。原條燒慢煮牛肋骨 一整條大牛肋骨起哂肉，用左原條慢煮再燒，口感非常軟腍。醬汁甜中帶少少咸，更加突顯牛肉嘅肉味。甲羅燒蝦多士蝦多士就食得多，配搭甲羅燒道第一次見。食嘅時侯可以放少少甲羅燒嘅蟹肉蟹膏入去，味道更加濃郁。金沙蝦球用咸蛋黃包裏住蝦球再拎去油炸，蝦球好大一粒，咸蛋黃極之濃郁，蝦球彈牙又新鮮。小神燈新派飯館 (將軍澳)將軍澳調景嶺彩明街1號彩明商場2樓251-252號舖