Video
Read full review
2022-08-02
79 views
喺油麻地有一間以神燈作主題嘅日式放題餐廳，佢就係由燈神蕭生所開設嘅神燈燒。呢度有三款級別嘅燒肉任君選擇，我哋呢次揀咗中間嘅level 2。呢個級別主要比level 1嘅多咗安格斯級嘅美國牛肉，當中有安格斯肉眼扒、牛頸脊、美國雪花牛小排、美國頂級板翼西冷及秘製壺漬封門柳等。而最欣賞就係佢哋嘅肉眼啦！肉眼扒嘅油脂無咁多，食多幾件都唔會太油膩，而佢哋切得厚薄均勻，所以燒起嚟好快就食得。除咗牛肉之外佢哋仲有多款海鮮水產可以任燒，例如芝士燒生蠔丶蒲燒鰻魚丶深海大虎蝦丶雞泡魚乾等。海鮮極推鰻魚，大大塊啖啖肉，加埋香甜嘅蒲汁就更加吸引。當然第二主打就係佢哋嘅壽司、刺身、小食、沙律、熱盤、甜品、特飲都係任飲任食。刺身有三文魚、吞拿魚、油甘魚、魷魚、帶子赤貝、八爪魚、甜蝦、北寄貝等，呢度嘅刺身都好新鮮，同埋都好鮮甜，尤其係帶子。而不得不提佢哋嘅炸物都好出色，佢哋都係用即點即炸，吉列炸蝦炸蠔係必點，仲有就係榴槤愛好者必點嘅榴槤炸彈啦，熱辣辣加埋香濃嘅榴槤味，聞到都流晒口水。佢哋仲有多款嘅沙律、主食、熱盤等，太多選擇，個胃位置太少未能盡錄。最後當然唔少得甜品啦！除咗有多款口味嘅雪糕雪條供應之外，仲有多款口味
呢度有三款級別嘅燒肉任君選擇，我哋呢次揀咗中間嘅level 2。呢個級別主要比level 1嘅多咗安格斯級嘅美國牛肉，當中有安格斯肉眼扒、牛頸脊、美國雪花牛小排、美國頂級板翼西冷及秘製壺漬封門柳等。而最欣賞就係佢哋嘅肉眼啦！肉眼扒嘅油脂無咁多，食多幾件都唔會太油膩，而佢哋切得厚薄均勻，所以燒起嚟好快就食得。
除咗牛肉之外佢哋仲有多款海鮮水產可以任燒，例如芝士燒生蠔丶蒲燒鰻魚丶深海大虎蝦丶雞泡魚乾等。海鮮極推鰻魚，大大塊啖啖肉，加埋香甜嘅蒲汁就更加吸引。
當然第二主打就係佢哋嘅壽司、刺身、小食、沙律、熱盤、甜品、特飲都係任飲任食。
刺身有三文魚、吞拿魚、油甘魚、魷魚、帶子赤貝、八爪魚、甜蝦、北寄貝等，呢度嘅刺身都好新鮮，同埋都好鮮甜，尤其係帶子。
而不得不提佢哋嘅炸物都好出色，佢哋都係用即點即炸，吉列炸蝦炸蠔係必點，仲有就係榴槤愛好者必點嘅榴槤炸彈啦，熱辣辣加埋香濃嘅榴槤味，聞到都流晒口水。
佢哋仲有多款嘅沙律、主食、熱盤等，太多選擇，個胃位置太少未能盡錄。
最後當然唔少得甜品啦！除咗有多款口味嘅雪糕雪條供應之外，仲有多款口味嘅杯裝啫喱同埋香濃嘅朱古力蛋糕，佢哋嘅蛋糕有濃郁嘅朱古力味之外仲有陣陣嘅咖啡味，味道層次都幾豐富，甜度適中。
飲品方面除咗平時飲到嘅汽水、茶飲、果汁、啤酒之外，Level 2餐等級亦可以選擇特飲好似有仙草奶茶、芋圓奶茶、鹹濕大話七、黑牛冰、雪糕紅豆冰等。而我自己就會揀水果茶，好啱食燒肉飲，可以解膩之餘又夠透心涼，又夠清甜。
Post
