神石燒牛扒專門店 (碧街) (Closed)

想食石燒肉，呢間做緊套餐，一次包晒靚牛豬羊及帶子清酒蜆湯。地區就腳，一出地鐵站，行兩條街就到。它是半放題，沙律，飯，泡菜牛肉湯任添。有兩款沙律，沙律菜或薯仔沙律，自己添加醬料，兩款味道都好好。飲咗一碗湯，夠熱，味道唔錯。接著石板同埋食物很快就上枱，厚身石版很熱，燒食物時記得帶圍裙，尤其是食我這個套餐，和牛油脂分布很豐富啊！日本A5佐賀黑毛和牛，睇相都見到好靚，燒起來釋放出滿滿的油，香味撲鼻，口感嫩滑，入口即化，正！美國極黑豚，很大塊，脂肪分布唔錯。上枱時已經是熟的，放上石板把豚肉表面再燒香便可吃，好味。美洲頂級羊扒，兩大塊，預先已煎好。我們用石板再翻熱，肉質很嫩，羊味濃郁。美國黑安格斯牛隔肌，外層一樣預先燒過，看自己喜歡嘅程度再燒熟。吃起來很有口感，有牛味，肉汁豐富，感覺很滿足。北海道珍寶帶子，肉質嫩滑，輕輕燒一下更好味。日式清酒煮蜆，很多蜆，清酒都幾入味。不得不提，店員們都很細心，見我們的石塊不夠熱會主動提出幫我換！