M Zone 親和藝術 (Closed)

去開尖東平時只係見到有好多酒吧, 估唔到下午都可以搵到好野食! M Zone 親和藝術Café,! 第一次去可能要花多少少時間搵! 不過去到就發現呢間café 位於漆咸圍嘅巷仔入面, 環境好寧靜, 真係可以俾你hea成個下晝! 呢間cafe係店主一家開嘅, 旨在宣傳家庭關係的重要性!佢地夜晚係酒吧, 但係6點前就會變身做café, 所以佈置好有特色, 係bar同café 嘅混合!今次我地叫左一個all day breakfast “Have a Nice day”, 美好嘅一日就係要由一個豐富嘅早餐開啟! 特別推介黑松露炒蛋同英式豬肉腸! 雖然每樣食物睇落都唔多, 但係食完都好飽! 好適合週末假日去食個Brunch!飲品方面我叫左熱情果梳打, 飲品個賣相好靚, 擺盤仲會有一句quote, 我呢盤上面就寫住”Every thing I need is within me” , 梳打唔算太甜, 好清新, 天氣咁熱入去飲返杯就岩岩好!