香港浸信會神學院食堂 (Closed)

話說有次嚟樟木頭嘅老人院做義工，得知附近嘅神召會裡面有間餐廳。呢度只招待神召會教職人員和學生。我地有朋友係呢度嘅教徙，果次訂左一圍枱，食過佢嘅拿手小菜之後，一試愛上，之後就成為我地飯堂。佢嘅拿手菜式有蟲草花千層塔、士多啤梨骨、浸烏頭、仲有可以預訂海鮮，味道真係唔錯，又無味精，價錢都算合理同埋都夠大碟。呢度人手唔多，全部樓面功夫都係要自己一手一腳搞，好似舖枱布、拿碗筷、載飯和湯、收枱都係自己嚟，港童就未必鍾意嚟呢度食。呢度加$10可以無限添白飯和例湯，鍾意食飯嘅人食多兩碗，真係咩都賺晒 但係我嚟親都係鍾意食炒粉炒飯，所以多數都唔加錢食白飯。 海鮮豆腐煲。一睇佢賣相已經好吸引，你睇下有紅蘿蔔切成蝴蝶做伴碟，就知佢幾有心機啦。材料有蝦，帶子、鮮魷、冬菇、豆腐，底下墊有小白菜。蝦夠大隻又爽，帶子同鮮魷份量都唔少，個獻汁有少少酒香味，炸豆腐亦都吸收咗個汁嘅精華，好味。楊州炒飯係金生嘅至愛，佢亦都好欣賞呢度嘅炒飯，炒得粒粒分明幾靚，楊州炒飯真係無得輸荷葉餅香酥鴨，第一次食呢味菜，真係不愧為香酥，鴨件外邊包住金黃色嘅皮幾咁酥脆，可以想象到一咬落去幾咁脆卜卜呢，我就專登搵啲肥少少嘅鴨肉嚟食，口感外脆