十常八九

Open Now

Now Closed

上星期剛在京都食完栗子紗織呢個甜品，後來先知原來深水埗都有，即管去試下。原來十常八九由2位年青人打理，小店環境舒適，走日系文青路線。初頭亦不抱任何期望，但食後估唔到同京都的比較，都唔係差好遠，有點喜出望外。十常八九的和栗蒙布朗外貌同京都的非常似，同樣都係蛋白餅做餅底，口感鬆脆，只係分量無京都的咁厚。另外十常吐司亦值得推介，口感特別。總括十常八九值得一試，價錢亦合理。溫馨提示 ：盡可能在1：30前到達，可以唔使等咁耐位，今天只係等10分鐘就已經有位。