麥當勞

Open Now

Now Closed

今日去咗深水埗嘅麥當勞，諗住食草莓新地，佢本身$14 ，而家平咗變咗$00 ，排隊都排咗差唔多10分鐘先可以買到。草莓雪糕加朱古力醬本來以為好甜，但係食落又唔係好甜，士多啤梨味都幾出，隻味少少似食緊明治太空船士多啤梨朱古力，係我鍾意嘅味道，加埋Kitkat就有少少甜，再加上Kitkat佢可能開咗封一段時間，威化餅冇咁趣，影響咗少少口感，不過整體來講我都覺得係好食嘅。除咗食士多啤梨雪糕之外，仲叫咗一個Kitkat批食，今次個批係用酥皮，雖然個批仲熱，但係酥皮唔係即時局，口感唔太良好，不過個餡係Kitkat朱古力，味道唔會話好甜，成個批味道都好balance。