Video
Read full review
2019-04-15
66 views
🔎尖沙咀彌敦道118-130號美麗華廣場2期2樓269-270號舖*「福建享受，香港都擁有」- 莆田.繼續係我最鍾意嘅蒲田🥰雖然食過好多次，但係每次都會叫啲唔同嘅菜式。冰浸苦瓜非常清新，會跟埋蜜糖上碟，可能已經到咗識得欣賞半生瓜嘅年紀，所以個人認為唔點蜜糖味道更加好。不過因為佢浸住冰，擺耐左個苦瓜變到好凍，但都唔會太影響味道。莆田荔枝肉放咗菠蘿既咕嚕肉大家就食得多，唔知你哋有冇試過荔枝果味重嘅咕嚕肉？夏天通常唔想食得太油膩，用水果入饌絕對可以令你嘅味蕾有多層次嘅體驗！酸酸甜甜好啱夏天送飯一流莆田扁肉湯一餐飯裏面有一碗湯即刻感覺唔會咁乾。扁肉湯入邊係好多細細粒嘅迷你餃子。口感好煙韌。另外仲有好多紫菜係湯入邊，清清地好啱飯前飲一碗。另外個湯偏酸，唔鍾意食醋味嘅朋友未必適合。興化炒米粉個人好少食炒米粉，因為出面買到嘅通常都係偏乾，雖然呢個炒米粉賣相唔係突出，但絕對係成餐飯裏面最驚喜嘅一味餸！完全唔乾身，炒米粉好夠味但絕對唔係咸。呢個米粉已經成為我每次食莆田必點嘅菜式。大推！❤蟶子二食莆田而家做緊$198可以點兩款唔同做法嘅蟶子。所以今晚我試咗蒜蓉蒸蟶子同
*
「福建享受，香港都擁有」- 莆田
.
繼續係我最鍾意嘅蒲田🥰雖然食過好多次，但係每次都會叫啲唔同嘅菜式。
冰浸苦瓜
非常清新，會跟埋蜜糖上碟，可能已經到咗識得欣賞半生瓜嘅年紀，所以個人認為唔點蜜糖味道更加好。不過因為佢浸住冰，擺耐左個苦瓜變到好凍，但都唔會太影響味道。
莆田荔枝肉
放咗菠蘿既咕嚕肉大家就食得多，唔知你哋有冇試過荔枝果味重嘅咕嚕肉？夏天通常唔想食得太油膩，用水果入饌絕對可以令你嘅味蕾有多層次嘅體驗！酸酸甜甜好啱夏天送飯一流
莆田扁肉湯
一餐飯裏面有一碗湯即刻感覺唔會咁乾。扁肉湯入邊係好多細細粒嘅迷你餃子。口感好煙韌。另外仲有好多紫菜係湯入邊，清清地好啱飯前飲一碗。另外個湯偏酸，唔鍾意食醋味嘅朋友未必適合。
興化炒米粉
個人好少食炒米粉，因為出面買到嘅通常都係偏乾，雖然呢個炒米粉賣相唔係突出，但絕對係成餐飯裏面最驚喜嘅一味餸！完全唔乾身，炒米粉好夠味但絕對唔係咸。呢個米粉已經成為我每次食莆田必點嘅菜式。大推！❤
蟶子二食
莆田而家做緊$198可以點兩款唔同做法嘅蟶子。所以今晚我試咗蒜蓉蒸蟶子同埋鐵板鹽焗蟶子。先講下蒜蓉蒸蟶子，好大碟，絕對唔會因為做緊優惠而將貨就價。蒜蓉撈埋啲蔥同時有真係好惹味，不過略嫌蒜蓉太多搶咗蟶子本身嘅鮮味，而且擺咗一段時間之後啲餸凍左就冇咁好味。重頭戲絕對係鐵板鹽焗蟶子！個人認為好好好好食！始終覺得海鮮應該用最簡單嘅方法去煮就最能夠帶出海鮮本身嘅鮮甜味。鐵板上嘅好處係可以令到蟶子冇咁快攤凍，而且佢啲蟶子真係好肥美，好有咬口。又係好大碟，食極都食唔完咁🤤
🍽7/10
Post
