真真美食店

Open Now

Now Closed

朋友多年前已介紹，一直都想去試吓，今日中午咁啱係北角附近辦點公務，一於幫襯吓小店。～油飯油飯應該是福建人從小就熟悉的媽媽味道，備料雖然有些小繁瑣，一共有10來種材料，按每個家庭媽咪嘅喜好來調配，這裡的油飯用的是長梗米、它入口一點也不油，但卻很香。用簡單的香菇絲和小魚乾再加點咸乾花生就組合成福建人的傳統家常美食。～交魚粳湯羹入口充滿鮫魚肉的鮮味，熱辣辣。建議撈勻啲醋同蔥花，一口有齊晒魚肉、湯羮、醋同蔥花嘅美味滋味無窮。～ 炒鴛鴦粉一個很隨意啲傳統福建小吃，這𥚃的版本有云耳絲、椰菜絲、蠔仔同肉絲一齊爆炒，外表平凡，不過入口鮮味無比，線麵同粉絲亁濕度做到剛剛好，足見師傅嘅功力，要挑剔的話鮮蝦放咗假。。。為有留番個遺憾給自己再找個藉口下次再幫襯。～ 花生茶果味道和客家茶果非常接近，食得出係早上新鮮制作，糯米外皮煙煙靭靱，花生餡料香而不膩，喜歡試吓傳統小吃嘅朋友絕對不可以錯過。踪合”真真”是一間非常傳統的家庭式小店，質同量兼備，鄉里街坊價錢，不過位處傳統濕式街市內，而且旁邊就係淡水魚檔，坐近門口位置有機會嗅到陣陣魚腥味，有潔癖嘅朋友可能要做吓心理準備先。支持小店！