廈門風味阿珠小吃店 (Closed)

土瓜灣只要你花心機去搵，橫街窄巷其實有好多特色小店。😊 今日黎到呢間小店，食既係平時好少機會食到既「廈門菜」，而且店子小小好似大有來頭，搵食飯團黎過拍攝，坤哥，林峰等明星都食過😀正宗福建菜其中有個名菜叫廈門土荀凍？入面原來有蟲仔😱 好得人驚呀，真係唔敢食。唯有食返d正常野招牌沙茶麵（豬潤）$35沙茶麵湯底味道好濃厚既沙茶味而且帶點杰身，豬肝食落口感較林身，味道屬一般沒有太大驚喜。沙茶湯入面有點蒜蓉碎，配上麵線一齊食令到麵線充斥著濃濃既沙茶味。唔錯！😊五香卷 $26五香卷係福建小食之一食落口感同平時既付皮有d唔同，似係特別製造既豆皮咁。每條五香卷入面都有碎肉，口感感覺似一條特製過既鴨肉條咁，豆皮應有有返炸過幾次，食落唔覺得油膩，干身得黎有「香、酥、脆」既感覺，呢個菜式獨特，配以佢既特製辣辣醬食更添一番風味！正呀！😍😍😍👍🏻香芋盒 $16雖然係炸物，但食落好干身唔會覺得好油👍🏻 炸得真係好有水準。入面既外層係芋蓉包著有少量既肉碎同蔥段醉，芋蓉唔會做得過太林，食落有少少芋香既甜味，配埋入面既食材一齊食又真係唔錯喎！😋👍🏻❤️整體感覺野食落左好多心機煮，下次一定會再幫襯再試下佢地其他既廈門菜式。