Video
Read full review
2004-11-15
33 views
上星期五九點幾先收工, 於是又拉一班同事一齊去福來居牛記食飯, 呢間飯店雖然位於旺角太子後街當中, 但每晚依然非常旺場, 坐街既都擺住六七張檯。其實之前已經黎過兩三次, 但一直以為都係食街坊小菜出名, 最近經雜誌介紹之後先知原來海鮮都係耍家, 因為老闆每日都會親自去魚販到揀貨, 保證好野先入, 唔靚寧願唔賣。一坐底先奉上免費例湯,青紅蘿蔔煲豬骨, 讚! 今次黎到即刻就去門口一排發泡膠箱到睇下有乜海鮮食, 眼見有蜆, 扇貝, 聖子, 蝦, 蟹, 同各式魚類等大路海產。最後只係叫左蜆同聖子, 因有同事唔係太好海產; 豉椒炒蜆, 炒得好香夠鑊氣,蜆鮮甜無沙, 個豉椒汁尤其好味, 味道同以前細路時食過既大牌檔一樣, 甜中帶辣, 呢味一定要試。粉絲蒜蓉蒸聖子, 聖子係大隻果種,鮮甜爽口。期間見到有不少食客都有叫蒸魚, 相信魚應該都抵食。其實食海鮮除左要新鮮之外, 價錢實惠亦非常緊要, 呢到做太子大角嘴街坊生意, 賣既都係街坊價錢。另外我地亦叫多幾味小菜, 雞亦都係呢到既招牌野, 有白切雞同霸王雞, 我就較喜愛霸王雞, 可惜今次覺得隻雞有D過熟, 上兩次食就好D。咕嚕肉都可以一試, 用半肥瘦豬肉同
一坐底先奉上免費例湯,青紅蘿蔔煲豬骨, 讚! 今次黎到即刻就去門口一排發泡膠箱到睇下有乜海鮮食, 眼見有蜆, 扇貝, 聖子, 蝦, 蟹, 同各式魚類等大路海產。
最後只係叫左蜆同聖子, 因有同事唔係太好海產; 豉椒炒蜆, 炒得好香夠鑊氣,蜆鮮甜無沙, 個豉椒汁尤其好味, 味道同以前細路時食過既大牌檔一樣, 甜中帶辣, 呢味一定要試。粉絲蒜蓉蒸聖子, 聖子係大隻果種,鮮甜爽口。期間見到有不少食客都有叫蒸魚, 相信魚應該都抵食。其實食海鮮除左要新鮮之外, 價錢實惠亦非常緊要, 呢到做太子大角嘴街坊生意, 賣既都係街坊價錢。
另外我地亦叫多幾味小菜, 雞亦都係呢到既招牌野, 有白切雞同霸王雞, 我就較喜愛霸王雞, 可惜今次覺得隻雞有D過熟, 上兩次食就好D。咕嚕肉都可以一試, 用半肥瘦豬肉同新鮮菠蘿。呢到既豉油皇炒麵亦做得唔錯, 好多檯客人都有叫到。
總之黎呢到食飯, 小炒夠鑊氣, 海鮮價錢公道, 值得推介。
Post