嫲嫲辣辣 (福榮街)

Open Now

Now Closed

重口味干鍋客飯！之前經過深水埗都想試吓呢間餐廳，感覺有好多款式食材選擇。午市干鍋客飯$69- 可以揀香辣、麻辣、孜然、蔥爆，其中一個鍋底，然後自選三個配菜，送飯同飲品。我選擇蔥爆鍋底加金錢牛𦟌、紅薯粉、炸芋頭。其中一個朋友食得辣，成個鍋鋪滿辣椒，睇落好得人驚，不過佢話唔係好辣。整體干鍋客飯油膩感較重同偏鹹，食完午餐即刻覺得口渴。肉類被鬆肉粉醃到冇乜口感同味道，芋頭條炸得比較乾，薯粉口感唔錯，不過同白飯一齊食唔太夾，太多碳水化合物。炸豆腐唔錯，入面口感軟身，外層吸滿醬汁，不過都係偏鹹。應該唔會再食干鍋客飯。