禮賓傅 (Closed)

平時特別喜歡係中環地段覓食，要平民化嘅平價美食又有，要以前高級官員先享用到嘅高級美食又有。講緊嘅係呢間叫「禮賓傅」嘅餐廳，由前禮賓府行政總廚打理，可以享用到以往招待不同國家元首嘅美食，什至一啲新派創作。中菜通常都要一大班人食先品嚐到最多美食，禮賓傅則貼心地預備咗兩款一人前嘅餐單，即使人少少都可以試到多款菜式。我地選擇左$680/head嘅tasting menu。第一道前菜 - 迷你鮑魚多士。鮑魚肉質爽彈，味道鮮美。中間嘅青瓜有畫龍點睛嘅作用，增加爽脆口感，亦減低炸多士嘅油膩。三樣野配合得恰到好處。甫食完鮑魚多士，待應就隨即上第二道前菜 - 燕窩釀雞翼。雞翼炸得香脆，一啖咬落去內裡充滿住燕窩，女性朋友一定喜歡。推之後到羊肚菌燉螺頭湯，湯底清甜，啱哂唔係成日有湯飲嘅我。鮮蟹肉大良炒鮮奶炒鮮奶最難在於火喉，炒太猛會老而且仲返唔到轉頭，而呢個炒鮮奶嫩滑，加埋蟹肉提鮮真係恰到好處。紅燒花膠濃濃鮑汁煮成花膠相當惹味，花膠膠質豐富，養顏之選。南瓜燴安格斯牛腩牛腩味濃，而肉質軟淋，加埋南瓜可省卻油膩感。禮賓傅炒飯中國人始終都要有粒飯落肚，而呢個炒飯除咗有鮑魚等名貴材料外，更炒得飯粒分明相當惹味。