禾田麵包

Open Now

Now Closed

禾田第一間開係電氣道水星街附近，啲麫包好食又特別選擇又多，有啲自創款式係人地店無，價錢適中，我係個麫包痴唔順路都會特登行過去買，間店又收得晏。佢地有個特大菠蘿包，買比任何人試個個激讚。另外店員好好，會熱心向你推薦介紹。當我知道佢再開多間近炮台山不知幾開心，以後唔洗行咁遠。但。。。原來，果然炮台山分店未必同本店一樣好，佢地個膠袋寫明電氣道有兩間店。一次又一次。。。中伏炮台山分店。。二次都覺得自己食緊啲隔隔日嘅麫包。好硬，餡少。點解兩間店差咁遠，試一次唔信，再試多次…唔好食不但止，又受氣…第一次買，店員找錢求其塞比你，錢跌落地都話知你。第二次又係同一店員…因為啲迷你飽無標記寫明係咩…我問吓啫，佢好勞氣咁衝出柜枱，好惡咁指個飽講係咩餡。無權利問???唔洗咁惡掛?仲要佢指住腸仔飽死話係呑拿魚，明明電氣道店係好Nice嫁嘛。希望本店店主改善吓分店服務咪趕客，令本來支持你地嘅食客失望。