Video
Read full review
2016-06-22
1103 views
今晚同朋友係太子買完野，竟然係路邊發現呢間燒烤店。店鋪分為室內室外兩邊，室內已是滿場，但估唔到甘熱既天氣連室外都幾乎坐滿！ 見到啲食客捱住熱都要食，仲有門外烤爐傳黎陣陣既香味，一於試試喇！係串燒店既點菜紙到，竟然比我見到有海膽飯、鰻魚飯、仲要有蟹皇拉麵, 真係禾稈冚珍珠呀!只可惜店員話蟹皇拉麵已經售罄, 而海膽飯亦只剩最後一個! 唔洗揀喇, 食左先講!祕製海膽飯 $108最快到就係佢! 一百蚊既價錢真係食到一板海膽!連同新鮮挺身既蛋黃飯。海膽顏色不算鮮黃, 但每件都原整肥味。就算夾起都不會散開, 而且頗厚肉。一個飯兩份食都覺得好滿足, 上圖只係半板海膽鋪同半個飯既份量。海膽入口無腥味, 而且滑如奶油, 味道甜美。白飯用上珍珠米粒粒飽滿, 不過係雪櫃囉出黎, 凍得口感變硬, 如果可以更煙韌更好。祕製汁燒茄子 $18十幾蚊就可以食到自己燒唔到既茄子, 抵!半條茄子十分多肉, 而且比街邊食到既少了一分油膩, 多了一份濕潤。最鐘意係佢個燒汁, 甜甜咸咸既醬油帶著一種煙燻味道, 好特別! 呢個燒茄子係我同朋友爭食之下好快被KO掉。(左)祕汁燒安格斯一口牛 $25牛肉燒到外面焦香, 入面又有肉汁。
店鋪分為室內室外兩邊，室內已是滿場，但估唔到甘熱既天氣連室外都幾乎坐滿！
見到啲食客捱住熱都要食，仲有門外烤爐傳黎陣陣既香味，一於試試喇！
係串燒店既點菜紙到，竟然比我見到有海膽飯、鰻魚飯、仲要有蟹皇拉麵, 真係禾稈冚珍珠呀!只可惜店員話蟹皇拉麵已經售罄, 而海膽飯亦只剩最後一個! 唔洗揀喇, 食左先講!
祕製海膽飯 $108最快到就係佢! 一百蚊既價錢真係食到一板海膽!
連同新鮮挺身既蛋黃飯。
海膽顏色不算鮮黃, 但每件都原整肥味。
就算夾起都不會散開, 而且頗厚肉。
一個飯兩份食都覺得好滿足, 上圖只係半板海膽鋪同半個飯既份量。海膽入口無腥味, 而且滑如奶油, 味道甜美。
白飯用上珍珠米粒粒飽滿, 不過係雪櫃囉出黎, 凍得口感變硬, 如果可以更煙韌更好。
祕製汁燒茄子 $18十幾蚊就可以食到自己燒唔到既茄子, 抵!
半條茄子十分多肉, 而且比街邊食到既少了一分油膩, 多了一份濕潤。
最鐘意係佢個燒汁, 甜甜咸咸既醬油帶著一種煙燻味道, 好特別!
呢個燒茄子係我同朋友爭食之下好快被KO掉。
(左)祕汁燒安格斯一口牛 $25牛肉燒到外面焦香, 入面又有肉汁。
而且口感不會太韌, 帶點牛味。
(右) 西京五花腩串 $22不知道西京是什麼, 但這個串燒應該是重口味人仕最愛。
不是因為太咸, 而是因為表面有很多燒過既蛋黃醬, 夠哂咸香, 好有日式燒物味道。
而五花腩燒走哂油脂, 食落口感似豬頸肉。
燒雞軟骨串 $12呢個係正常鹽燒雞軟骨, 沒有驚喜, 但亦在水準之中。
隱約會食到少少四川孜然味道, 頗有層次。
鹽燒京蔥雞肉串 $20雞肉燒過後依然軟嫩, 而京蔥先是食到炭烤香味, 再食到內裡既清甜。
香蒜牛油燒日本扇貝 $28將呢個扇貝放係最尾真係一個完美作結。
清洗乾淨既日本扇貝肥大肉厚, 師傅細心地剪開四份, 除了更容易食用, 亦令每口扇貝都充份調味。
扇貝燒到剛熟, 嫩滑無渣, 而個醬汁係少少甜既蒜蓉味, 好好食!
個人覺得呢間小小燒烤店真係處處驚喜, 除了有賣近期大熱既蟹黃及海膽食品, 佢地既串燒亦係充滿心機之作。
Post
