松 (Closed)

來到年尾又係好好奬勵自己嘅一個時間， 今次同朋友選擇左嚟食廚師發板，位於尖咀柯士甸路呢一帶餐廳臥虎藏龍，好多新食肆，其中呢間 松，我想試好耐啦！被安排入坐於廚師旁邊嘅吧枱，睇到廚師嘅刀功，個人感覺很好！面前嘅刺身琳琅滿目，未開始食已經好興奮！先來小食帶子裙邊，配上小小沙律醋，好開胃。然後是刺身五點，火炙帶子，池魚，呑拿魚，魷魚。鮮甜無筋。魷魚切條上好特別而且格外爽口。壽司選擇亦多！個人應為三文魚子最好食，粒粒又圓又大， 晶瑩剔透，咬下於口中卜一聲爆開，魚籽鮮味充斥味蕾！海膽亦超creamy ，好不新鮮！牡丹蝦，北寄貝則平平無其，不過不失。玉子亦讚！不會過甜失真，可惜上桌時已凍，相信如果熱食更好！拖羅亦入口即溶，油脂豐富！海鰻亦有驚喜！成晚最驚喜反而係呢一個大蜆麵豉湯，入落麵豉味不太濃，反而浸出啖啖蜆香，好鮮味！天婦羅感謝略嫌炸得太久，頗油膩。最後薑味雪糕特別，薑味突出，雪糕滑。其實有時食廚師發板係想食一啲特別，平時Menu上冇嘅嘢，如果可以有小小驚喜菜式會更好。