Video
Read full review
2018-02-05
2214 views
聽朋友講話呢度啲嘢食OK，就帶家人嚟試下呢一碟避風塘鮮魷同去骨九肚魚好正上檯嘅時候就好似一幅畫咁靚啲鮮魷炸得幾靚，舊舊都漲卜卜幾好肉炸粉好薄，上面有一小層椒鹽粉，蔥同埋辣椒粒都好靚食嘅時候點佢旁邊嘅醬汁，以為好似豉油嘅鹹，點知原來帶微酸，味道又唔會搶過魷魚嘅鮮味，配搭開胃唔錯去骨九肚魚旁邊就配椒鹽粉嘅，鐘意食重口味啲嘅都得啲九肚魚都係肥嘟嘟嘅，舖頭好細心咁去咗骨，食嘅時候就唔使點咬九肚魚本身都好滑溜，炸完之後外脆內軟好好食呢度菜嘅兩味不禁令我諗起大排檔風味，呢度絕對唔輸蝕之後佢有個荷葉飯，跟人頭上嘅，係新鮮嘅荷葉包糯米飯一打開荷葉撲鼻香，入面嘅飯有臘腸，雞肉，份量唔大隻，啱啱好夠滿足口癮最後不得不提嘅係呢個勁薑湯丸！！！薑汁嘅重手佢認第二冇人敢認第一細路仔就食唔慣，但係老一輩就好欣賞佢夠薑，驅寒每盅湯丸都用咗個好得意嘅盅裝住，有個福字，好啱嚟緊新年嘅氣氛入面嘅芝麻湯丸同埋薑汁都幾夾食完湯丸飲埋湯水，出到外面幾大風幾凍都唔怕
呢一碟避風塘鮮魷同去骨九肚魚好正上檯嘅時候就好似一幅畫咁靚
啲鮮魷炸得幾靚，舊舊都漲卜卜幾好肉
炸粉好薄，上面有一小層椒鹽粉，蔥同埋辣椒粒都好靚
食嘅時候點佢旁邊嘅醬汁，以為好似豉油嘅鹹，點知原來帶微酸，味道又唔會搶過魷魚嘅鮮味，配搭開胃唔錯
去骨九肚魚旁邊就配椒鹽粉嘅，鐘意食重口味啲嘅都得
啲九肚魚都係肥嘟嘟嘅，舖頭好細心咁去咗骨，食嘅時候就唔使點咬
九肚魚本身都好滑溜，炸完之後外脆內軟好好食
呢度菜嘅兩味不禁令我諗起大排檔風味，呢度絕對唔輸蝕
之後佢有個荷葉飯，跟人頭上嘅，係新鮮嘅荷葉包糯米飯
一打開荷葉撲鼻香，入面嘅飯有臘腸，雞肉，份量唔大隻，啱啱好夠滿足口癮
最後不得不提嘅係呢個勁薑湯丸！！！
薑汁嘅重手佢認第二冇人敢認第一
細路仔就食唔慣，但係老一輩就好欣賞佢夠薑，驅寒
每盅湯丸都用咗個好得意嘅盅裝住，有個福字，好啱嚟緊新年嘅氣氛
入面嘅芝麻湯丸同埋薑汁都幾夾
食完湯丸飲埋湯水，出到外面幾大風幾凍都唔怕
Post
