金滿堂甜品

Open Now

Now Closed

九龍城晚飯後指定動作梗係去食返個甜品，填飽埋第2個胃先，"金滿堂"甜品款式有好多，真係花多眼亂，選擇困難左一陣，就叫了朱古力心太軟，椰皇燉湯丸，芒果大王，十朗小玉及香芋芝芝朱古力心太軟心太軟外脆內軟，切開中間有少許流心，朱古力唔太甜，每隻碟都有獨特嘅圖案幾有心思椰皇燉湯丸熱辣辣原隻椰皇，入面有椰汁燉蛋白好香好滑，清心丸爽口彈牙，加埋芝麻湯丸非常豐富，食完再刮埋椰殼內嘅椰肉食超滿足，又有營養又滋潤芒果大王原隻椰皇入面有椰汁燉蛋白，芒果同水晶珠會分開上，食果時才加落去，芒果好鮮甜，水晶珠好爽口，食落感覺似芒果西米露十朗小玉豆腐花好滑，紫薯泥好香入口即溶，仲有好多紅豆，小丸子及芋圓，小丸子同芋圓都煙煙韌韌，非常有口感，配埋紅豆十分飽肚香芋芝芝凡專顧甜品2客可以加$18換購一份，糯米糍食落口感煙韌，入面係香芋，紫薯加芝士，配料好夾，唔會好甜，味道不錯