湯煲私房火鍋

Open Now

Now Closed

今晚同朋友開生日party ，知道呢度消費滿$1000可免開瓶費，於是帶咗枝香檳🍾️嚟🍻慶祝一下有別於連鎖火鍋店，無論食材、湯底都正，成為我首選的火鍋店。珍饈十三味點心火鍋：呢款2人餐，可以從34款美點食材，挑選13款，啱晒想吃款式多，但份量不需多嘅我哋滋陰花膠雞煲奶白色嘅雞湯湯質濃稠，好香雞味，但係唔會太油，花膠有好多件，打邊爐之前一定要飲返兩碗。頂級本地手切騸牯牛每日新鮮運到嘅本地騸牯牛，同普通肥牛唔同嘅係手切較厚身，煮10秒就食得，食落軟腍牛味香濃。鮮騸古黑牛柏葉口感爽脆可口，牛味特別突出，吸湯力強，滿口湯汁。豬潤豬潤煮嘅時間比較講究，店家推薦4分鐘果然啱啱好，口感爽彈鬆軟。自家製蝦丸、牛肉丸自家手打嘅蝦丸同牛丸，同外面嘅相比更加彈牙，大大粒真材實料。味增大根黑豚餃餃子餡料特別，味噌大根鹹中帶微甜，有日式風味。水晶奶皇包放落打邊爐嘅甜品真係第一次試，金黃晶瑩嘅水晶包皮煙靭Q彈，入面包住奶黃餡，一咬流心爆漿。即炸魚皮及響鈴新鮮即叫即炸，香脆可口，可以點酸甜醬，開胃嘅餐前小吃。