Palette (Closed)

見到openrice有coupon, 之前又黎過Hotel sav食下午茶，對佢地既食物都有信心，所以今次同幾個朋友一齊黎食番餐好既!首先，每位都有一客燕窩/佛跳牆, 我揀左燕窩養養顏，看似平平無奇，但用料充足，啖啖都食到燕窩。鐵板燒亦是重點之一，每次可以選擇阿拉斯加長腳蟹/元貝/鮑魚 (三揀二)我揀左阿拉斯加長腳蟹+元貝，長腳蟹非常鮮甜多汁，即使燒過亦唔會乾身，仲保留到蟹肉鮮味! 原本朋友嫌麻煩唔揀長腳蟹，最後大家都被佢吸引到食左兩次先收手。呢度仲有無限波士頓龍蝦比你食，龍蝦蝦肉口感扎實，容易從蝦殼中取出。呢度食buffet最好係即使比人攞曬都好快有新既龍蝦送上，唔洗擔心。私房菜:其他食物:甜品:甜品黎講，最吸晴既係呢個西瓜蛋糕！又似樣又有西瓜味，味道唔會好假/好藥水，另外仲有香蕉朱古力蛋糕都好好味，中間有香蕉cream,質感綿密!最後我仲飲左個海鮮湯，可以自選海鮮配料，味道清甜。總括來說，呢度既buffet確實抵食，而環境十分寧靜舒適，幾適合一家大細黎慢慢享受。