Video
Read full review
2016-12-06
1269 views
唔好問我今晚食啲乜，因為每次去到都係老細發板！( for reservations only )呢間餐廳已經幫襯過幾次，每次都有好好嘅 experience... 基本上你要食足 120 - 150 分鐘先會食得曬咁多個菜， 而最重要丶最重要丶最重要嘅係冇人會催促你還枱，重要嘅說話要講三次 !!!講番啲食物，指定頭盤喺海鮮拼盤， 生蠔係必定有， 因為真係好新鮮！ 呢度嘅海鮮係每日少量購入， 例如蟶子，好食想要多隻都冇！ 今日隻牡丹蝦係超大隻，而且非常甜美，蝦頭顏色亦都顯示佢非常新鮮， 因為食開海鮮嘅人就會明白，隻蝦新唔新鮮係呃唔到人嘅！ 另外一讚嘅係佢嘅海膽，同行嘅朋友從來唔食海膽， 但佢試咗一啖之後都食曬全部海膽，因為佢話好新鮮丶好甜，老闆話係加拿大返喎！除咗呢個頭盤，另一個值得讚嘅係 prama ham焗大啡菇， 本人絕對係parma ham狂熱份子，配大啡菇算係首次嘗試， 大啡菇焗完都非常 juicy, 上面有啲類似牛油果醬嘅物體 ( 唔記得問老闆係咪牛油果醬)， 三樣嘢加埋都非常之襯， 一句講曬：勁正！再食多幾個頭盤之後就到湯， 今晚有南瓜湯和蘑菇湯， 我哋揀咗蘑菇湯，個湯非常
呢間餐廳已經幫襯過幾次，每次都有好好嘅 experience... 基本上你要食足 120 - 150 分鐘先會食得曬咁多個菜， 而最重要丶最重要丶最重要嘅係冇人會催促你還枱，重要嘅說話要講三次 !!!
講番啲食物，指定頭盤喺海鮮拼盤， 生蠔係必定有， 因為真係好新鮮！ 呢度嘅海鮮係每日少量購入， 例如蟶子，好食想要多隻都冇！ 今日隻牡丹蝦係超大隻，而且非常甜美，蝦頭顏色亦都顯示佢非常新鮮， 因為食開海鮮嘅人就會明白，隻蝦新唔新鮮係呃唔到人嘅！ 另外一讚嘅係佢嘅海膽，同行嘅朋友從來唔食海膽， 但佢試咗一啖之後都食曬全部海膽，因為佢話好新鮮丶好甜，老闆話係加拿大返喎！
除咗呢個頭盤，另一個值得讚嘅係 prama ham焗大啡菇， 本人絕對係parma ham狂熱份子，配大啡菇算係首次嘗試， 大啡菇焗完都非常 juicy, 上面有啲類似牛油果醬嘅物體 ( 唔記得問老闆係咪牛油果醬)， 三樣嘢加埋都非常之襯， 一句講曬：勁正！
再食多幾個頭盤之後就到湯， 今晚有南瓜湯和蘑菇湯， 我哋揀咗蘑菇湯，個湯非常足料，粒粒蘑菇，而且非常濃味， 最重要係熱辣辣上枱，嗰啲蘑菇味係咁湧出嚟， 係視覺丶味覺丶嗅覺嘅三重享受，Ya, I am lovin' it !!!
最後係牛扒， 大廚已經幫我哋設好一條條，唔使慢慢分， 我哋嗰份大概係 medium cook，少少 juicy, 每條都有少少類似筋嘅物體，但唔 un, 反而增加牛扒嘅整體口， 老闆亦喺牛扒上枱嘅時候即席灑日本海鹽 ( 老闆又介紹嗰隻海鹽蛋，唔記得佢個名堂) 牛扒唔需要點汁，只係點海鹽已經好夠味，好好食！
其實仲有甜品， 但當時已經飽到上心口，只係記得朱古力心太軟好好食， 食得出佢啲朱古力唔係cheap嘢。。。
老闆話仲可以叫 pasta, Risotto, 你兩樣野上次都試過，雖然都係好好味，但真係飽到冇辦法再食。。。
house red wine 亦非常唔錯，white wine 就 dry 咗少少。。。
提提大家，記得book枱，因為座位有限！
再提提大家，記得食海鮮拼盤，真係超級好食！
Post