Video
Read full review
2017-11-17
2806 views
我係火鍋狂人，好鍾意打邊爐，幸好家人朋友都有共同喜好，每個秋冬都會瘋狂打·邊·爐。屋企人今次搵到間尖沙咀私房菜，本來諗住食小菜，點知見到有邊爐打就即刻話食火鍋，我當然奉陪。 輝哥私房菜位處大廈一樓，係冇𨋢搭架，要食好野就先要行一層樓梯消吓脂先~ 上到嚟門口就見到塊「集郵」板，有唔少明星食客嘅相同埋簽名。大廳只有五張枱，都幾細，真係私竇格局咁，大班人嚟絕對可以包晒全場開心gathering。亦有VIP房。火鍋配料選擇列晒喺一張紙度。每日有唔同新鮮海鮮供應︰茶位連醬料費每人$20，提供非一般茶水，店員話壺茶叫做「火麻茶」，對身體好好，又消脂又健康……飲完又唔會訓唔著，阿媽聽完即刻飲返杯。味道幾特別，清清地，又帶小小火麻仁味道。杏汁豬肺鍋$88一嚟到有啲失望，同想像中好唔同，雖有都有啲奶白色，亦有杏仁味，但唔係濃濃嘅杏汁。豬肺份量多，鍋底有好多南北杏，又加左啲西洋菜。阿媽話呢個湯更似佢平時煲開嘅「西洋菜南北杏蜜棗猪肺湯」!特級安格斯牛頸脊(大)$298排到好靚，滿滿雪花紋，入口嫩滑濃牛味，的確係靚牛! 每片都係手切，切到同一大細同一厚度，仲要起雙飛咁切，刀工真係勁!!新鮮鵝腸$88唔係度度有
輝哥私房菜位處大廈一樓，係冇𨋢搭架，要食好野就先要行一層樓梯消吓脂先~ 上到嚟門口就見到塊「集郵」板，有唔少明星食客嘅相同埋簽名。
大廳只有五張枱，都幾細，真係私竇格局咁，大班人嚟絕對可以包晒全場開心gathering。
亦有VIP房。
火鍋配料選擇列晒喺一張紙度。
每日有唔同新鮮海鮮供應︰
茶位連醬料費每人$20，提供非一般茶水，店員話壺茶叫做「火麻茶」，對身體好好，又消脂又健康……飲完又唔會訓唔著，阿媽聽完即刻飲返杯。味道幾特別，清清地，又帶小小火麻仁味道。
杏汁豬肺鍋$88一嚟到有啲失望，同想像中好唔同，雖有都有啲奶白色，亦有杏仁味，但唔係濃濃嘅杏汁。豬肺份量多，鍋底有好多南北杏，又加左啲西洋菜。阿媽話呢個湯更似佢平時煲開嘅「西洋菜南北杏蜜棗猪肺湯」!
特級安格斯牛頸脊(大)$298排到好靚，滿滿雪花紋，入口嫩滑濃牛味，的確係靚牛! 每片都係手切，切到同一大細同一厚度，仲要起雙飛咁切，刀工真係勁!!
新鮮鵝腸$88唔係度度有得食，爽口彈牙大大條，記得放入火鍋篩入邊煮，亦都唔好烚得過長時間，越煮係會越縮同越韌!
瑤柱貝鮑滑$78第一次食，嚟到都幾大份。食唔到有貝鮑粒，感覺似墨魚滑，上面鋪滿好多瑤柱，加埋幾鮮味，唔錯。
黑松露墨魚滑$88
呢個我好鍾意，離遠已經聞到好香黑松露味。墨魚滑上面鋪左一大pat黑松露醬，好誇張! 黑松露味同墨魚滑好夾。
新鮮黑柏葉$88
極難食得到，屋企附近街市都冇得賣，要訂先會有貨，仲要通常都訂唔到。雖然黑色賣相唔討好，但黑柏葉冇經過漂白，梗係健康啲。夾起就知好有彈性，入口俾白柏葉更彈牙，識食梗係食黑柏葉啦。
新鮮紫淮山$48
店員大力推介，唔見其他餐廳有，我地都係第一次聽! 上網查一查，原來係寶嚟，有抗癌作用、降血壓降血糖、益脾、益肺、益腎，係淮山嘅加強版，啱晒老人家，即刻叫左碟試吓。
質地粉粉地，同一般淮山相近，但就多一份甜味。因為新鮮冇雪過，唔駛淥好耐，好快就腍。千祈唔好淥太耐，最好用火鍋篩淥，因為熟左好鬆化，好易煮到溶晒。
招牌炸響鈴$48上台時仲係熱，又薄又脆，吸湯神器，非常正! 一籃八件，浸2秒就夠晒數! 因為新鮮炸起，唔放湯齋食都得~
唐生菜$38
冇細分，只係切開幾件，烚起嚟唔係咁方便。
店員全晚都緊貼服務，仲極有禮貌兼有笑容，抵讚! 而家九點前入座有九折(九點後仲有八五折呀)，即係今餐變相唔駛加一~
Post
