壽司郎 (黃埔天地)

Open Now

Now Closed

又係出動去食 壽司郎 期間限定嘅時間喇， 今次嘅主題係「秋之味道巡遊」（秋の味巡り），主打一啲秋天當造嘅食材，覺得今次限定 好多樣野都幾好食。 不過先講最貴果款先， 「特大水煮松葉蟹配紅楚蟹拌蟹膏」， 可能太掛住日本嘅味道，覺得呢個只係不過不失， 蟹味唔出， 蟹膏嘅質地亦係一般。 MVP 呢，係「炙燒三文魚腹」，肥美肉厚，好食到立即二刷左 幾款天婦羅又係有驚喜，壽司郎嘅炸物一向有水準，不過都係偏啖口啲，落單可以落埋包鹽， 加啲鹽更佳限定甜品今次就係聯乘西班牙王室都認證嘅麵包蛋糕店「Mallorca」推出限定甜品「究極巴斯克烤芝士蛋糕」，將兩款芝士蛋糕二合為一， 效果幾好， 要試。「北海道產秋刀魚」，秋天嘅魚，呢個都唔差， 幾鮮味。「秋鰹魚腩」，正常發揮「生七味醬漬長鯺吞拿魚」，佢有少少辣辣地嘅，幾特別。 「炙燒紅葉鯛」，上面果舊柚子我自己就覺不太夾， 就咁食仲好食「銀魚仔蛋黃醬油海苔包」， 呢個一般， 再加上會漏汁有少少捩棄食壽司郎 係會上癮嘅，又睇下下個月又有咩新野～