Video
Read full review
2021-01-07
295 views
尋日下午同朋友喺旺角溫完書，就順便買外賣返屋企同媽媽dinner。媽媽想食中菜，我見到呢間中菜都有幾個人等緊外賣，應該唔錯，所以就決定買呢個啦。金針雲耳滑雞飯 $78呢個如果堂食應該會係煲仔飯，不過外賣就無辦法啦，點都要用外賣盒裝住。不過一打開外賣盒就聞到好香嘅金針雲耳滑雞味，同埋份量都好多，塞滿曬成個外賣盒。食到最後先發現我地原來唔記得落佢附送嘅煲仔飯醬油，但就算唔落醬油，個飯都好夠味。鮑魚花膠尚品煲 $148難得先同媽媽食一餐中菜，想請佢食豪啲。媽媽一向好鍾意食海味，所以呢個煲啱曬佢。有兩隻鮑魚、兩大粒蠔豉、兩大片花膠、兩大粒帶子、仲有幾舊魚、魷魚、紅燒豆腐、西蘭花同埋豬皮，材料相當豐富，媽媽食得好滿足。豉油皇海蝦 $88呢個海蝦係煎香左嘅，每隻海蝦都幾大隻，同埋煮得好入味。都有大約十隻。媽媽話佢最鍾意嘅就係呢個。五指毛桃燉雞湯 $28呢個燉湯原價就$48嘅，但因為叫左煲仔飯，所以只係要加$28就有啦。雞味十足，個湯好濃，有少少藥膳湯嘅感覺。杏汁菜膽燉白肺 $28同個燉雞湯一樣，都係原價$48但跟煲仔飯就只係要$28。杏仁味超濃，鍾意杏汁味嘅朋友會好啱飲。雖然唔係特別平，但價錢都合
金針雲耳滑雞飯 $78
呢個如果堂食應該會係煲仔飯，不過外賣就無辦法啦，點都要用外賣盒裝住。不過一打開外賣盒就聞到好香嘅金針雲耳滑雞味，同埋份量都好多，塞滿曬成個外賣盒。食到最後先發現我地原來唔記得落佢附送嘅煲仔飯醬油，但就算唔落醬油，個飯都好夠味。
鮑魚花膠尚品煲 $148
難得先同媽媽食一餐中菜，想請佢食豪啲。媽媽一向好鍾意食海味，所以呢個煲啱曬佢。有兩隻鮑魚、兩大粒蠔豉、兩大片花膠、兩大粒帶子、仲有幾舊魚、魷魚、紅燒豆腐、西蘭花同埋豬皮，材料相當豐富，媽媽食得好滿足。
豉油皇海蝦 $88
呢個海蝦係煎香左嘅，每隻海蝦都幾大隻，同埋煮得好入味。都有大約十隻。媽媽話佢最鍾意嘅就係呢個。
五指毛桃燉雞湯 $28
呢個燉湯原價就$48嘅，但因為叫左煲仔飯，所以只係要加$28就有啦。雞味十足，個湯好濃，有少少藥膳湯嘅感覺。
杏汁菜膽燉白肺 $28
同個燉雞湯一樣，都係原價$48但跟煲仔飯就只係要$28。杏仁味超濃，鍾意杏汁味嘅朋友會好啱飲。
雖然唔係特別平，但價錢都合理，況且外賣自取有九折。同埋足料，幾適合同屋企人食。
Post
