發哥粥底海鮮火鍋 (Closed)

又到食羊腩煲嘅季節，試下呢間有羊腩煲又有邊爐嘅餐廳😋。.🥘古法枝竹羊腩煲 $268🔺涼菜兩小碟🔺時令燉湯一盅🔺兩隻蒜蓉泰醬焗青口🔺海鮮及牛肩肉🔺火鍋配料（自選八款）🔺汽水、竹蔗水任飲.羊腩煲份量十足，柱侯醬味道好濃郁又唔會死鹹。肉質鮮嫩，有淡淡羶味，羊皮有彈性。冬菇、腐竹吸收晒湯底嘅精華😋。.各款海鮮都好新鮮。最驚喜係有鮮甜彈牙嘅活鮑魚，而帶子滾完依然大大隻。唯獨沙白有少少沙🥺。.火鍋配料選擇好多。自家製墨魚丸同埋蝦丸足料彈牙。.🦐發哥粥底海鮮火鍋 (九龍灣)九龍灣宏開道13號景發工業中心地下7-8號舖