雲壽司 (Closed)

突然間想食壽司，就去咗呢間雲壽司食個lunch，除咗可以單點壽司之外，另外仲有三個唔同價位嘅廚師發辦。我就揀咗$380嘅套餐，已經包左10件壽司，一條手卷同麵豉湯。美中不足嘅係冇甜品，不過呢個價錢都可以接受。白蝦新鮮。伊佐木味道淡雅，好適合用黎打頭陣。蜻魚經灸燒過，香口，有魚油香。期間限定嘅秋刀魚，配埋薑蓉幾出色😋😋😋剝皮魚配上魚肝，味道香濃😋😋😋北海道海膽，呢個價位本來對海膽都無咩期望，但估唔到有驚喜，海膽味道鮮甜，絲毫無腥味😋😋😋鮟鱇魚肝口感比較乾身，不過不失。最後食埋鰹魚，吞拿魚腩同銀鱈魚就完成10件壽司☺️再加埋手卷，食到好飽呀!