Via Tokyo (Closed)

同朋友仔係尖沙咀行街，朋友仔帶我去食呢間佢好中意食既甜品鋪店鋪係走日本風既路線，燈光柔和，比人一種好舒服既感覺餐廳主要係食沙冰、雪糕同芭菲，除左一般餐牌之外，都有季節限定既餐牌，今次秋天限定既主角係栗子。我同朋友分別叫左栗子沙冰同烏龍茶芭菲share黎食先黎烏龍茶芭菲，賣相好吸引，好多材料，包括:白玉、紅豆蓉、曲奇、綠茶蛋糕同蕨餅烏龍茶雪糕令我好驚艷，烏龍茶味道好濃郁，茶味好出，唔會太甜。白玉煙韌，好有咬口。綠茶蛋糕口感鬆軟，綠茶味道好出。而曲奇同蕨餅都豐富左成個芭菲既層次感，整體都幾夾。栗子沙冰，外貌好可愛。刨冰既外面都充滿着栗子蓉，栗子蓉嘅味道都幾濃郁，味道唔會好甜，食落好香食到中間有驚喜，有一球牛奶雪糕喺裏面，另外仲有啲栗子蓉係中間，雪糕好重牛奶味，而且好軟滑，同刨冰既味道都幾夾另外同朋友分別一人叫左一壼煎茶同焙茶飲，兩隻茶茶味香濃，煎茶飲落清新d，焙茶既烘焙味都好出，食完甜品飲返杯茶中和返👍🏻