蚊蚊豬老火鍋 (Closed)

今晚收工同朋友去左蚊蚊豬老火鍋，呢間係深水埗分店，位置開揚好易揾，而且係24小時營業，收工好夜食宵夜都好方便。好多人係度開心吹水聚會！我地都鐘意食魚，所以就叫左個魚煲。魚好正好嫩滑！呢間既串燒係必嗌，全部都燒得好香，燒豬頸肉好爽口燒牛仔骨醃得好入味好香，燒雞肉連埋塊香脆雞皮食好正。除左靚牛肉，打邊爐唔少得响鈴仲有脆肉鯇，好新鮮生菜，油蜜菜等等都食得出非常新鮮！仲有刺身任食，叫左最鐘意既甜蝦，又係新鮮好食。