漁港薈 (Closed)

今次去咗澳門逸園中心新開的漁港薈食佢地嘅蒸氣火鍋，好期待亦沒有失望。點了個銀裝海鮮蒸鍋$328位，除左有好多海鮮之外，仲有少少熟食例如：脆皮乳鴿，招牌黃金川辣蟹。熟食兩款都好食，黃金川辣蟹個人覺得小辣，但全部蟹肉都好入味，而且蟹蓋有很多蟹膏，非常肥美。至於脆皮乳鴿，真係皮脆肉厚，可以食到啖啖肉😋海鮮火鍋都有好多款，有鮑魚，蟶子皇，大元貝，蝦等等。每樣食材都非常新鮮，蒸完之後都好鮮甜👍🏻👍🏻而且餐廳仲有提供蒸煮時間，令你食到最perfect 的。最後食完海鮮，都有少少肥牛片食。最尾套餐都仲有份粗糧，即係包了粟米，南瓜，芋頭和番薯🍠都蒸到好甜