蛇王海 (Closed)

馬鞍山站落車大約行6分鐘左右就到，店內座位不多，有時都要等位，普通裝修格局，店員兩位姐姐非常健談，我哋三個人，叫咗三份大蛇羹套餐，每份$106，套餐包括一碗大蛇羹加一碟蛇汁糯米飯（如果要加潤腸/臘腸另外加$15一條），大蛇羹份量真係幾大碗，而且幾足料，仲有任食脆片可以加落去一齊食，味道好食，蛇汁糯米飯，軟硬度剛剛好，香味十足，臘腸好味唔會太多肥豬肉，配埋糯米飯一流，我哋三個人每人食一個餐都好飽了。