泰肥牛海鮮火鍋菜館 (Closed)

I Love鞭爐既我，等天涼等好耐。今夜一戰泰肥牛，冬陰公湯底貪佢一般酒家食唔到。堂弄冬陰公湯底係幾好睇，谷晒香味出黎引到我流口水。不過花巧野睇完就算，放入口咩好味先有用。飲落比想像中冇咁辣，蝦味都有，唔知係咪唔想打鞭爐時個味太搶，anyway我收貨，正式開餐。其實食左好多碟，因為宵夜係平D，不過有D唔記得影相，只係得頭幾張。無錯，呢個係熟食，蒜子胡椒羊腩扒，暖胃!!!!!!勁重口味!!!!!!!!! 可能蒜香太重，反而唔夠羶，我比較Like再羶D。建議宵夜黎食唔錯，因為以地點黎講，晚市做宵夜呢個價我會成日黎幫親。