富泰燒烤樂園

Open Now

Now Closed

最近開始秋涼喇，又係時候去bbq，今晚帶屋企人黎到富泰燒烤樂園，好多年前去過幾次，今次再去真係有驚喜，平日每位收費$110，每爐要比$50開爐費，包燒烤叉，碟，叉，蜜糖，豉油，紙巾，紙巾用完可以拎紙巾筒去換一卷新嘅，每人包一罐汽水，一支水，炭係任燒嘅，之前黎嘅時候我記得啲蜜糖係溝水嘅，好稀，今次有進步，終於唔係稀架喇，職員態度都好友善，呢到嘅環境唔錯，好舒服，另一個進步嘅地方就係全部醃肉都係獨立包裝，乾淨衞生又方便，唔洗整到成手都係，丸類都有好多，推介牛筋丸，台灣腸同蜜汁叉燒粒，勁好味啊。