Video
Read full review
2024-05-20
434 views
《Parc88 - 沙田科學園》前排母親節只係全家人一齊食咗飯，但係按照每年嘅傳統，我都會私下約媽咪去食返餐代替送禮物🤫今年都唔例外，我就帶咗佢去科學園嗰邊嘅餐廳食飯，因為有同事介紹呢邊嘅中菜set幾抵食，所以就嚟咗會所1號旗下嘅餐廳 Parc88 試吓佢哋嘅套餐啦😬餐廳平時做婚宴為主，所以佢嘅環境同裝修都十分夢幻，仲有大大塊落地玻璃窗邊，可以望到出邊花園嘅環境，都幾chill架😉如果冇婚宴嘅時候都會有開放做午市同晚市比Walk in客，除咗套餐之外，佢哋仲有做點心添，食物嘅款式同種類都算幾多㗎💁🏻♀️法式焗蟹蓋套餐 套餐係以人頭計嘅，如果有Club Dining會員的話套餐仲有七折添🤓套餐方面都幾多嘢食，有四式前菜、湯、四款主菜同埋甜品，食完都幾飽㗎💁🏻♀️前菜🔹蔥油海蜇頭🔹松露糖心蛋🔹太白醉雞🔹四喜烤麩四色前菜嘅擺盤用咗細細嘅圓碟裝住，再用一個木盤盛載，睇落好colorful同埋好吸睛，蔥油海蜇頭爽口彈牙，口味清新而又帶點酸酸嘅醋味，松露糖心蛋落咗松露醬，食落香口但係比較淡味少少，而太白醉雞食落都好香滑，有少少酒香但係又唔會搶過咗雞味，食落清新，最後嘅四喜烤麩係最濃味嘅一款小食，烤
前排母親節只係全家人一齊食咗飯，但係按照每年嘅傳統，我都會私下約媽咪去食返餐代替送禮物🤫今年都唔例外，我就帶咗佢去科學園嗰邊嘅餐廳食飯，因為有同事介紹呢邊嘅中菜set幾抵食，所以就嚟咗會所1號旗下嘅餐廳 Parc88 試吓佢哋嘅套餐啦😬餐廳平時做婚宴為主，所以佢嘅環境同裝修都十分夢幻，仲有大大塊落地玻璃窗邊，可以望到出邊花園嘅環境，都幾chill架😉如果冇婚宴嘅時候都會有開放做午市同晚市比Walk in客，除咗套餐之外，佢哋仲有做點心添，食物嘅款式同種類都算幾多㗎
💁🏻♀️法式焗蟹蓋套餐
套餐係以人頭計嘅，如果有Club Dining會員的話套餐仲有七折添🤓套餐方面都幾多嘢食，有四式前菜、湯、四款主菜同埋甜品，食完都幾飽㗎
💁🏻♀️前菜
🔹蔥油海蜇頭🔹松露糖心蛋🔹太白醉雞🔹四喜烤麩四色前菜嘅擺盤用咗細細嘅圓碟裝住，再用一個木盤盛載，睇落好colorful同埋好吸睛，蔥油海蜇頭爽口彈牙，口味清新而又帶點酸酸嘅醋味，松露糖心蛋落咗松露醬，食落香口但係比較淡味少少，而太白醉雞食落都好香滑，有少少酒香但係又唔會搶過咗雞味，食落清新，最後嘅四喜烤麩係最濃味嘅一款小食，烤麩嗦咗醬汁之後脹卜卜，食落甜甜地十分開胃
💁🏻♀️湯品 佛跳牆
呢個佛跳牆就勁啦，大大件鮑魚放咗喺面，而入面係裝住咗雞湯、螺肉、乾瑤柱等食材，全部都已經煮到腍晒，雞湯清甜，飲完個暖笠笠好舒服
💁🏻♀️主菜
🔹法式焗蟹蓋
首先第一道菜就係呢個餐嘅重頭戲，法式焗蟹蓋，唔好睇佢細細件好少嘢咁，其實入面讓左洋蔥、帶子、蟹肉同埋忌廉等嘅食材，上面再用火槍燒焦，微微有陣炭火味，食完之後都幾滿足㗎，我個人覺得蟹味唔算好出，但係佢嘅忌廉好滑，個醬汁同帶子蟹肉嘅食材好配合
🔹橙香燴鴨
呢一道菜式比較較上偏西方，鴨肉肉質都幾嫩滑，配上橙味嘅醬汁，酸酸甜甜好開胃🍊而旁邊嘅沙律都落咗黑醋汁調味，成道菜都係香甜嘅感覺，食完都唔會太漏
🔹米水鮮竹浸翡翠
而下一道菜式係湯浸菠菜，呢一道菜式比較清啲，但係個湯其實幾好飲😋有少少腐竹嘅豆香，用嚟浸完菠菜之後仲可以當湯飲添，仲食到杞子同埋白果，食完濃味嘅菜式再食呢個菜剛剛好
🔹香草忌廉天使麵
最後嘅主食竟然係香草忌廉天使麵，呢一個配搭都幾新鮮😎天使麵十分掛汁，入面有青椒、洋蔥等嘅食材，成個麵都係好Creamy嘅白汁，所以食完嘅感覺都幾飽㗎
💁🏻♀️甜品 生磨蛋白杏仁茶
最後嘅最後，甜品係我鍾意嘅蛋白杏仁茶🤓質地唔會太濃稠，入面有不少蛋白碎，飲落香滑而且充滿杏仁味，作為甜品收尾就最好不過啦
Post
