花見月 (Closed)

大約12點零入座，花見月分為餐廳內同外兩個部份，餐牌都會有唔同。係出面既大部份係烏冬，比較少貴便刺身，而餐廳入面既就係拉麵、定食之類。今日我地去左餐廳入面去食，入面既裝修好靚，落地大玻璃可以將出面既景睇得清清楚楚。餐牌設計都好靚，以橙、白、黑為主，而且表示都好清楚。我地2人叫左2個set，一個係拉麵、一個係刺身，同樣都有配菜。大大碗，而且豬軟骨多、仲有溏心蛋，豬軟骨湯底味道好濃~ 麵係比較粗既微曲麵。而我就叫左刺身，刺身份量唔算多，但勝在食材高質，有超鮮味既海膽、甜甜既三文魚、同埋清甜既帆立貝，加上大大隻蝦。價錢都係$108，所以都算係幾抵食！總結，如果黎到科學園想食日式野，可以選擇呢度呢。