Video
Read full review
2022-09-28
1738 views
科學園係假日一家大細輕鬆下嘅好地方， 呢度除咗地方大， 同埋定期有各種科技展覽之外， 亦進駐咗好多唔同種類嘅餐廳。呢一間位於w座天台嘅西餐廳Hunky Dory，帶有少少韓國風，餐牌上都有韓國食物選擇。同行的朋友叫咗呢一杯《 Baileys chocolate 》， 本身凍朱古力已經相當好味， 仲加入咗baileys甜酒， 帶出淡淡嘅酒香同 焦糖香氣。 絕對係生酮人士嘅最大誘惑。不過今次就試咗近期大熱嘅ketone food，睇下滿唔滿足到飯氣，先叫咗一個好似意大利飯嘅《 野菌菠菜燴西蘭花飯》， 西蘭花會用上西蘭花上面嘅花， 切成碎粒之後再用牛油炒香， 煮法意大利飯相似， 口感當然較為爽身， 食落冇飯咁黏， 但粒粒口感可以滿足到對飯嘅咬口同慾望， 如果煮得可以再淋多少少就更加perfect。《精選烤拼盤》同樣是生酮飲食之選， 拼盤裏面有齊牛雞同豬。 烤雞用上咗脂肪低嘅雞胸肉， 雖然未至於嫩滑， 但口感亦唔算太鞋。牛扒方面不過不失， 對得起拼盤嘅價錢， 帶有微微炭香。燒烤拼盤仲有幾款蔬菜配搭， 食落夠健康。總括而言， 餐廳環境夠開揚， 又有戶外座位， 所以吸引咗好多家庭客， 絕對係親子f
科學園係假日一家大細輕鬆下嘅好地方， 呢度除咗地方大， 同埋定期有各種科技展覽之外， 亦進駐咗好多唔同種類嘅餐廳。
呢一間位於w座天台嘅西餐廳Hunky Dory，帶有少少韓國風，餐牌上都有韓國食物選擇。
同行的朋友叫咗呢一杯《 Baileys chocolate 》， 本身凍朱古力已經相當好味， 仲加入咗baileys甜酒， 帶出淡淡嘅酒香同 焦糖香氣。 絕對係生酮人士嘅最大誘惑。
不過今次就試咗近期大熱嘅ketone food，睇下滿唔滿足到飯氣，先叫咗一個好似意大利飯嘅《 野菌菠菜燴西蘭花飯》， 西蘭花會用上西蘭花上面嘅花， 切成碎粒之後再用牛油炒香， 煮法意大利飯相似， 口感當然較為爽身， 食落冇飯咁黏， 但粒粒口感可以滿足到對飯嘅咬口同慾望， 如果煮得可以再淋多少少就更加perfect。
《精選烤拼盤》同樣是生酮飲食之選， 拼盤裏面有齊牛雞同豬。 烤雞用上咗脂肪低嘅雞胸肉， 雖然未至於嫩滑， 但口感亦唔算太鞋。
牛扒方面不過不失， 對得起拼盤嘅價錢， 帶有微微炭香。
燒烤拼盤仲有幾款蔬菜配搭， 食落夠健康。
總括而言， 餐廳環境夠開揚， 又有戶外座位， 所以吸引咗好多家庭客， 絕對係親子friendly。
Post
