Video
Read full review
2023-11-17
73 views
今日同主子係科學園行街，行到夜晚上openrice睇下有咩餐廳可以帶主子去，比我搵到喺科學園有一間餐廳「Hunky Dory」可以帶埋主子去嘅於是就去試下喇。環境方面有狗仔嘅可以坐室外，全間餐廳我諗可以坐50至60人左右，裝修氣氛好舒服好柔和，適合慢慢坐可以同朋友傾下計。職員服務好好，主動加水收碟，每逢上菜都會介紹呢個係咩菜式抵讚。食物方面黑松露湯黑松露好濃味係鮮打磨配橄欖油，仲有焗過嘅軟法包，配埋一齊食好開胃。韓式炸雞係六隻雞翼，炸粉好香脆雞翼多肉汁，配埋韓式辣醬，仲有少量紫菜好味。西班牙紅蝦意粉西班牙紅蝦意粉蝦肉係炸過好香有濃味嘅蝦味，意粉方面能夠掛汁，仲有有蘆筍做配菜，執方面係蝦汁配忌廉汁，有香濃蝦尾。班尼迪蛋配牛油果呢間鋪頭班尼迪蛋有得轉牛油果代替班戟，今次我就試咗牛油果喇，牛油果上面配有蛋，強汁香濃，亦有沙律菜配菜。牛油果雞肉漢堡呢個漢堡好出色，第一夠大個，第二麵包又要用牛油焗香過，麵包入面有牛油果、蕃茄、芝士同雞肉漢堡扒，咬落十分多汁，配菜有薯條沙律菜，呢個十分推薦。mocha香濃嘅朱古力咖啡飲落去舒服，今日天氣轉凍呀飲杯熱嘢不得了。總括：今餐食咗六百幾蚊，我覺得性價比係超
於是就去試下喇。
環境方面有狗仔嘅可以坐室外，全間餐廳我諗可以坐50至60人左右，裝修氣氛好舒服好柔和，適合慢慢坐可以同朋友傾下計。
職員服務好好，主動加水收碟，每逢上菜都會介紹呢個係咩菜式抵讚。
食物方面
黑松露湯
黑松露好濃味係鮮打磨配橄欖油，仲有焗過嘅軟法包，配埋一齊食好開胃。
韓式炸雞
係六隻雞翼，炸粉好香脆雞翼多肉汁，配埋韓式辣醬，仲有少量紫菜好味。
西班牙紅蝦意粉
西班牙紅蝦意粉蝦肉係炸過好香有濃味嘅蝦味，意粉方面能夠掛汁，仲有有蘆筍做配菜，執方面係蝦汁配忌廉汁，有香濃蝦尾。
班尼迪蛋配牛油果
呢間鋪頭班尼迪蛋有得轉牛油果代替班戟，今次我就試咗牛油果喇，牛油果上面配有蛋，強汁香濃，亦有沙律菜配菜。
牛油果雞肉漢堡
呢個漢堡好出色，第一夠大個，第二麵包又要用牛油焗香過，麵包入面有牛油果、蕃茄、芝士同雞肉漢堡扒，咬落十分多汁，配菜有薯條沙律菜，呢個十分推薦。
mocha
香濃嘅朱古力咖啡飲落去舒服，今日天氣轉凍呀飲杯熱嘢不得了。
總括：今餐食咗六百幾蚊，我覺得性價比係超抵食，可以帶埋主子去，食物質素高質，推介帶埋主旨去科學園嘅朋友去呀。
Post
