基地叁 (Closed)

之前探訪過山林道既基地（以霓虹燈為主題），無意中再訪同集團既旺角基地3，原以為係食裝修，點知食物－啲都唔馬虎，仲好高質，food styling好驚喜，打卡able!!! 餐廳老闆原來係90後，深知香港土地問題，希望提供唔同嘅基地比年青人可以Hea下gather下。⬘ ⬙ ⬘ ⬙🜚黑魚子醬三文魚他他 $138釀入大海螺內，上枱時配合乾冰效果，煙霧離漫，超夢幻！只配上兩片脆多士，唔夠沾，唯三文魚子有點腥。🜚荔枝木煙燻M8 和牛腹肉 $328 以木盒上桌，－打開充斥着荔枝木香味，把握9秒9嘅冒煙打卡時間；牛肉烤到濃濃炭香味，加上煙燻味，味道獨特，口感柔軟無筋，5成熟剛剛好，牛魔王必食推介𖤐ˊ˗🜚龍蝦西班牙海鮮飯 $238 （2人分量）足料海鮮，啖啖彈牙龍蝦肉，蜆肉亦好飽滿，飯炒到粒粒分明，吸收晒海鮮嘅精華，好入味𖤐ˊ˗⬘ ⬙ ⬘ ⬙飲品價錢比較進取，但味道不錯～🜚草莓洛神花沙冰 $78主要飲到草莓味，唔會太冰亦唔會太甜，好refreshing!🜚布蕾奶蓋榛子咖啡沙冰 $78奶蓋香滑，好飲唔太甜，榛子同咖啡味好balance！