Video
Read full review
2013-01-15
44 views
第二次黎到Kindergarten既原因係為左慶祝好友生日...同埋重溫Iced Chocolate (我承認後者先係重點)第一次去既時候已經做好功課，知道要Book位，點知要成個月後先有位所以我今次早左成個月Book定位，又估唔到佢話下一個禮拜就有....不過算啦，有得食就得 由於Book左位，唔使等就有位坐事實上係個半鐘頭內我倆親眼望到唔少walk-in既人碰門釘... (此為後話)我地坐長檯既對角位，一來唔會好似坐對面咁迫，二來又唔似坐對面咁遠，講野都要比較大聲先聽到亦有可能係當時唔太滿座先可以咁奢侈咁坐叫完野飲，等左15-20分鐘，有野食啦～～～首先係High Tea Set，Book位既時候已經reserve左由於友人未食過，我同佢食多一次，所以我已經第二次食上碟時，WOW 個架好靚，我鍾意先由最底層開始：我覺得最好食既竟然係最簡單既芝腿脆多可能自己比較鍾意甜點，個人覺得冇咩特別....強烈建議大家唔使怕醜，直接用手拎黎食，因為麵包烘到好脆，用叉有機會嚴重解體....非常狼狽中間個層，亦係最愛個層 ：焦糖燉蛋（大大大大推）：蛋香+脆脆的焦糖，水準之作提子鬆餅（推介）：香而鬆
係為左慶祝好友生日...同埋重溫Iced Chocolate (我承認後者先係重點)
第一次去既時候已經做好功課，知道要Book位，點知要成個月後先有位
所以我今次早左成個月Book定位，又估唔到佢話下一個禮拜就有....
不過算啦，有得食就得
由於Book左位，唔使等就有位坐
事實上係個半鐘頭內我倆親眼望到唔少walk-in既人碰門釘... (此為後話)
我地坐長檯既對角位，一來唔會好似坐對面咁迫，二來又唔似坐對面咁遠，講野都要比較大聲先聽到
亦有可能係當時唔太滿座先可以咁奢侈咁坐
叫完野飲，等左15-20分鐘，有野食啦～～～首先係High Tea Set，Book位既時候已經reserve左
由於友人未食過，我同佢食多一次，所以我已經第二次食
上碟時，WOW 個架好靚，我鍾意
先由最底層開始：
我覺得最好食既竟然係最簡單既芝腿脆多可能自己比較鍾意甜點，個人覺得冇咩特別....
強烈建議大家唔使怕醜，直接用手拎黎食，因為麵包烘到好脆，用叉有機會嚴重解體....非常狼狽
中間個層，亦係最愛個層 ：
焦糖燉蛋（大大大大推）：蛋香+脆脆的焦糖，水準之作提子鬆餅（推介）：香而鬆軟，加上strawberry jam，正!!
最高個層：
心型朱古力酥：外型十分討好，味道普普通通，值得一讚係酥皮食完冇好沈重既感覺士多啤梨吉士撻：OK，唔錯，甜度適中，不過不失
最後到Iced Chocolate:
一直以黎我都搵唔到一杯可以深得我心既Iced Chocolate雖然Godiva既Dark Chocolate Smoothie都唔錯，但係飲到一半已經太滯唔想飲，而且佢始終係沙冰，難逃飲到一半已經冇咩味既致命傷..
而呢度既Iced Chocolate正正就冇以上既問題，濃濃既朱古力味，不太甜，仲有雪糕食...$36 絕對係超超超超超值!!
總括黎講，呢度係一個同朋友坐低傾下計既地方
第一次黎既不妨試下個High Tea Set，會再黎
Other Info. :
係我地食緊野期間，應該有差唔多20個人入黎想坐，但係前幾批都仲可以Book到3:30, 再遲黎既都冇得食lu :(
即使有位坐，甚至有人坐低左，一律no way
所以強烈建議大家Book左位先黎食....
呢一個應該都係佢地對食物質量既一個堅持吧 :)
(The above review is the personal opinion of a user which does not represent OpenRice's point of view.)
Post
