Video
Read full review
2018-12-22
337 views
今晚天氣突然凍左好多，本來想食日本野都秒放棄左，改為search「火鍋🔥」，要暖反個胃同身至得。朋友提議話想食養生鍋好耐，係台式火鍋，台灣就去過幾次，但都冇試過養生鍋，就試一試佢有幾養生先。環境方面，呢度好有古代feel啊，用左好多電視劇先見到既木屏風同木櫈，有別於一貫酒樓既風格。而燈光方面就暗暗地，幾岩對左成日電腦，兩隻眼都好怕光既我地。湯底方面，我地揀左2款，分別係 寧神養心鍋 同 秘制薑母鴨鍋，可以一半一半，鴛鴦鍋，咁價錢就計貴d果個，姐係$168。寧神養心鍋 入面有半隻烏雞同魚頭，我地夾起左隻烏雞上黎拆肉，再舀d湯一齊飲，好好味！飲到好多藥材既香味，又唔會係苦果d，湯底入面仲有川芎、白芷、天麻、豬肉、淮山、杞子、圓肉，帶有一絲絲既甜味。秘制薑母鴨鍋呢一個湯真係好岩冬天飲，入面有大量老薑，煲既時間掌握得好好，好重薑味，飲一碗即刻成個人暖哂，岩哂成日手腳冰冷既我。仲可以食埋d湯料，有一件件既台灣紅面蕃鴨件，仲有冰豆腐、冬荀同當歸咁。飲+食完個湯都飽左一半，我地再加左小小野，活九孔 ($48@)肉質新鮮好有彈性，上枱既時候已經處理好哂，清走哂d內臟，只要放入鍋就好了，岩哂懶到出汁又唔
環境方面，呢度好有古代feel啊，用左好多電視劇先見到既木屏風同木櫈，有別於一貫酒樓既風格。而燈光方面就暗暗地，幾岩對左成日電腦，兩隻眼都好怕光既我地。
湯底方面，我地揀左2款，分別係 寧神養心鍋 同 秘制薑母鴨鍋，可以一半一半，鴛鴦鍋，咁價錢就計貴d果個，姐係$168。
鴛鴦鍋 寧神養心鍋x秘制薑母鴨鍋
$168
27 views
0 likes
0 comments
入面有半隻烏雞同魚頭，我地夾起左隻烏雞上黎拆肉，再舀d湯一齊飲，好好味！飲到好多藥材既香味，又唔會係苦果d，湯底入面仲有川芎、白芷、天麻、豬肉、淮山、杞子、圓肉，帶有一絲絲既甜味。
秘制薑母鴨鍋
呢一個湯真係好岩冬天飲，入面有大量老薑，煲既時間掌握得好好，好重薑味，飲一碗即刻成個人暖哂，岩哂成日手腳冰冷既我。仲可以食埋d湯料，有一件件既台灣紅面蕃鴨件，仲有冰豆腐、冬荀同當歸咁。
飲+食完個湯都飽左一半，我地再加左小小野，
活九孔
$144
34 views
0 likes
0 comments
肉質新鮮好有彈性，上枱既時候已經處理好哂，清走哂d內臟，只要放入鍋就好了，岩哂懶到出汁又唔想整污糟手既我地。
牛胸爽
$138
36 views
0 likes
0 comments
睇個名唔知有幾爽，一於叫黎試下有幾爽先。一上枱，見到係一片片白色既，大家都R哂頭唔知係乜，唯有問下侍應姐姐啦，原來係胸腔肋骨中間的軟骨部位，淥一淥就可以，唔洗煮太耐。一試，又真係幾爽喎，唔會韌到咬唔開果d，姐姐仲話可以叫埋牛肉，包住一齊食仲正咁喎。
鵝肝墨魚丸
$48
41 views
0 likes
0 comments
鵝肝墨魚丸
$48
40 views
0 likes
0 comments
呢個鵝肝墨魚丸係自家製既墨魚丸，入面包住鵝肝粒，唔會細到揾唔到。咬落去，食到細細粒既墨魚粒，中間既鵝肝好香好滑，有唔同口感，味道由淡到濃，又幾得意wo。
鴨血($48)
最後仲叫左個鴨血，$48大大碟，淥2塊，又飲一碗湯，成個人由心暖出黎。
最後仲有個是日糖水送，係芋圓紅豆沙，畫上完美句號。
芋圓
42 views
0 likes
0 comments
總結黎講，飲完秘制薑母鴨鍋，真係成身暖哂，我地2個都一致認同呢個一定要encore！配料方面，就對活九孔鮑魚好印象深刻，$48隻，價錢貼地，邊個話出街嗌海鮮就一定比人劏架？
Post
