Pho Bar (Closed)

大鄉里出城，陪榮升咗老婆嘅女朋友去中環睇醫生，人生路不熟，盲頭烏蠅咁搵唔到食咩好嘅時候，老婆搵到間喺條巷嘅越南粉麵。下午一點幾，唔使排隊都有得食，我見有寫住十二點三前埋單仲有八折添，下次早啲嚟應該平啲。價錢嚟講中環算比較平嘅餐廳，老婆揀咗個每日粉選，今日係牛腩麵，而我就點咗個新加坡肉骨茶配飯，另外加多個小食，秘制雞翼。老婆個牛腩麵好多牛腩，我個肉骨茶都有4-5條骨。特別要提嘅係個秘制雞翼！個秘制汁好食到講唔出口，要密密食😋不過可能係小店，呢度淨係收現金同AE。