發哥粥底海鮮火鍋 (Closed)

朋友推介嚟食呢度嘅粥底火鍋，話平靚正夠晒抵食，今晚一於入嚟試試佢套餐包2款小前菜，有麻辣拍青瓜同泡椒鳳爪，冷盤嚟講幾出色之後仲有一人一盅燉湯，十分足料，有螺肉，雞，圓肉等等，啲湯料仲多過啲湯焗青口落咗蒜蓉，仲有啲酸辣醬，好惹味正式打邊爐之前已經食咗好多好嘢啲牛肉雪花均勻好靚，牛肉味濃牛肉同海鮮拼盤都好豐富，海鮮有大大隻蟶子皇，沙白，貴妃蚌，海蝦同龍蝦呢度服務似足茶餐廳，快靚正拆海鮮成日會有好多殼，但係啲店員好快手，見我哋放殼嘅桶滿咗，又會好快咁幫我哋倒咗去最精彩嘅係雪白鮮味嘅多寶魚，滑捋捋，入口即溶超級新鮮食到咁上下，店員會幫我哋加料煲粥加咗一大碗白米粥，南瓜，芋頭，蔥花最後個粥出到嚟好綿密又鮮甜，十分飽肚！