Video
Read full review
2021-05-05
1453 views
又出動同同事搵食，搵到呢間上環商廈入面嘅秘密CAFE。舖位唔大，50個位左右，主色調採用天使綠藍色，舖面好光猛，裝修精緻天花(假)花海，仲有打卡牆，少女心爆發！餐牌排版簡潔，似請柬賀卡。😝套餐前菜可跟湯或沙律。是日餐湯粟米忌廉湯🫕，粟米味濃，仲有小小粟米蓉，稠身得嚟並非撈飯質感，好入口😋。日式胡麻醬沙律🥗穩陣之選，份量大碗，新鮮菜，仲有漬物瓜，酸酸地開胃。是日精選牛油果帶子意粉🥑，為餐廳推介。上碟大大粒煎過帶子 (雖然碌走晒)，醬汁伴勻所有意粉條，偏稠身口感，味道適中，唔太濃，中規中矩。🖐🏻煙火雞蒜片意粉，份量正常。油炒唔油膩，伴蒜片香草味濃郁。火雞片及煙肉片碎上，彈牙原味夠。喜歡清新淡口感朋友絕對適合。🍝🥓溫泉蛋卡邦尼意粉 溫泉蛋意粉粗幼適中， 粉身唔"笠"軟硬度適中，芝士忌廉🧈香濃，入口滑溜軟，食到最後一口都唔會覺得好漏，煙肉🥓碎份量足夠，穩陣之選。😌日式豚肉生薑燒飯配漬物、味噌湯，上菜賣相唔錯，份量亦都十足。調味薑味夠，但汁偏稠身，肉薄身，量唔多，反而洋蔥🧅多。白飯🍚綿綿唔乾身但爭少少飯香，正常之選😙單點全日早餐🍳，衝住牛角包🥐而點。炒蛋無老身，其他都係正常味道口感。小小遺憾無沙
套餐前菜可跟湯或沙律。是日餐湯粟米忌廉湯🫕，粟米味濃，仲有小小粟米蓉，稠身得嚟並非撈飯質感，好入口😋。日式胡麻醬沙律🥗穩陣之選，份量大碗，新鮮菜，仲有漬物瓜，酸酸地開胃。
是日精選牛油果帶子意粉🥑，為餐廳推介。上碟大大粒煎過帶子 (雖然碌走晒)，醬汁伴勻所有意粉條，偏稠身口感，味道適中，唔太濃，中規中矩。🖐🏻
煙火雞蒜片意粉，份量正常。油炒唔油膩，伴蒜片香草味濃郁。火雞片及煙肉片碎上，彈牙原味夠。喜歡清新淡口感朋友絕對適合。🍝🥓
溫泉蛋卡邦尼意粉 溫泉蛋意粉粗幼適中， 粉身唔"笠"軟硬度適中，芝士忌廉🧈香濃，入口滑溜軟，食到最後一口都唔會覺得好漏，煙肉🥓碎份量足夠，穩陣之選。😌
日式豚肉生薑燒飯配漬物、味噌湯，上菜賣相唔錯，份量亦都十足。調味薑味夠，但汁偏稠身，肉薄身，量唔多，反而洋蔥🧅多。白飯🍚綿綿唔乾身但爭少少飯香，正常之選😙
單點全日早餐🍳，衝住牛角包🥐而點。炒蛋無老身，其他都係正常味道口感。小小遺憾無沙律配醋，有小PORTION是沙律會開心啲。😕
反而咖啡☕係最令人驚喜🥳🥳🥳！幾杯MOCHA及LATTE都係唔同卡通撒粉。MOCHA選用的粉自帶甜味，無甜到涸喉，淡淡甜得又飲到奶香味。LATTE同樣有層次，入口吸味再滲出啡味，配合好好，唔係無味奶水。唔知仲有咩卡通撒粉呢？唔通要日日嚟飲下？🥺
OVERALL而言食物質素並唔算上乘，但唔會係差😬 環境舒適，服務好，呢個地段加上為咗打卡絕對可以接受。杯拉花撒粉咖啡加分，啲蛋糕望落都好靚🍰🧁，各款都好吸引，要外賣返公司下午茶。
Post
